പട്ടാഴി
വടക്കേക്കര ഗ്രാമ പഞ്ചായത്ത്

കൊല്ലം ജില്ലയുടെ  വടക്കുമദ്ധ്യഭാഗത്തായി സ്ഥിതി ചെയ്യുന്ന  പട്ടാഴി വടക്കേക്കര ഗ്രാമപഞ്ചായത്ത് മലപ്രദേശത്തോടുചേര്‍ന്ന ഒരു ഇടനാടൻ ഉള്‍ഗ്രാമമാണ്. ജില്ലയിലെ പത്തനാപുരം താലൂക്കില്‍ പത്തനാപുരം ബ്ലോക്കിൽ ഉള്‍പ്പെടുന്ന ആറ് പഞ്ചായത്തുകളിൽ ഒന്നാണ് പട്ടാഴി വടക്കേക്കര ഗ്രാമപഞ്ചായത്ത്. 18.07 ചതുരശ്ര കിലോമീറ്റർ  മൊത്തം വിസ്തീര്‍ണ്ണമുള്ള ഈ പഞ്ചായത്തിനെ പതിനാല് വാര്‍ഡുകളായി  വിഭജിച്ചിരിക്കുന്നു. പഞ്ചായത്ത്  വാര്‍ഡിലാണ് പഞ്ചായത്താഫീസ് സ്ഥിതി ചെയ്യുന്നത്. 1979 ജനുവരി 19-ാം തിയതി ഔദ്യോഗികമായി നിലവിൽ വന്ന പട്ടാഴി വടക്കേക്കര ഗ്രാമപഞ്ചായത്ത്  കൊല്ലം ജില്ലയുടെ വടക്കുകിഴക്കായി പത്തനംതിട്ട ജില്ലയോടു ചേര്‍ന്ന് ഏനാദിമംഗലം, ഇളമണ്ണൂര്‍  ഗ്രാമങ്ങളോടൊട്ടി  നില്‍ക്കുന്നു. ഈ ഗ്രാമത്തെ പത്തനാപുരം  ഗ്രാമത്തില്‍ നിന്നും  കുണ്ടയം തോടും പട്ടാഴി  ഗ്രാമത്തില്‍ നിന്നും കല്ലടയാറും  വേര്‍തിരിച്ചു നിര്‍ത്തുന്നു.  കൊച്ചു കൊച്ചു മലകളും കുന്നിന്‍പുറങ്ങളും  താഴ്വരകളും വയലേലകളും തോടുകളും ഈ ഗ്രാമത്തിന്റെ പ്രകൃതിയെ ചേതോഹരമാക്കുന്നു. കിഴക്കേ അറ്റം മുതല്‍...